From: ABC.Service.Langues@skynet.be   
      
   in : El Mouchon d'Aunia, 4, 2005, p.13   
      
   Ne pas cracher et ne pas parler wallon   
      
      
      
   DJU SÛ V'NÛYE Ô monde a Coûrcèle, an Walonîye, èyèt l' walon, c'èst m'   
   pârlâdje... C'èst drouci què dj'é mès racènes, èt, corne disoût Fèrnandèl,   
   «èm'n-acsant, c'è-st-ène miyète dèl têre dè m' contréye qui s'aclape a mès   
   solérs!».   
      
   A scole, dj'intind mès gamins qui asprouv'nèt dè d'visér an walon...   
      
           Tél côp, i d'a qu'on sint bén què c'èst leû langue matèrnèle; mès   
   souvint, trop souvint, is sont mô al'vès èt vulgéres! Fôt cwôre què pour   
   yeûs', no walon, c'èst l' parlér dès loquîs èt dès crotès.   
      
           Is n' counich'nèt qu' saquants mwés mots èt is n' comprind'nèt nén   
   no patwos (sic) quand il-èst bén parlè.   
      
   Is-ont du mô a comprinde què si lès rwos d' France, corne Clovis, astin'   
   vènus d'meurér a Charlèrwo al place da Paris, nos d'vis'rin' tèrtous an   
   walon, dè d' ci a Lîdje djusqu'a Marseille!   
      
   Qué dalâdje dè lès vîr insi mwéjî nos-éritances! Èyèt co, i-n-a saquants   
   collègues, profèsseûrs corne mi, minme dè francès, qui r'nîy'nèt ètou no   
   patwos 'paç' què ça n'èst nén corne i fôt».   
      
           I-n-a d's-anéyes, i-n-avoût dins lès-èscoles dès pancartes: «Ne pas   
   cracher et ne pas parler wallon!».   
      
   Qué djeunâdje pou nos souv'nances! Qué damâdje pou no culture walone!   
      
   Cachèz, vous-ôtes, a dîre an francès:   
      
   Èyu ç' què dj'é stî stitchî çoula?   
      
   Si vos spotchèz 'ne meûre pwôre dins vo min, ça brotche.   
      
   ÈI vatche astoût toute ènoufyîye, èla a broki dins raye.   
      
   O-n-a mis l' goria ô tch'vô.   
      
   Après s' djoûrnéye, il-astoût stôrè! Il-a volè djus d' sès pates. Man.nèt   
   djoûne! C'è-st-in capon!   
      
   Ç'ti la, c'è-st-in bèzin èt in wach'nêre.   
      
   Ça va toûrnér a makète!   
      
   1 va montér al plantchète!   
      
   'La, l'ôte bèrzingue l'a aclapè ô mur!   
      
   Èt i d'a co bén d's-ôtes, dès-èsprèssions qui sont bén da nous-ôtes!   
      
   No walon èst tél côp si parlant!   
      
   Qu'o parle tèrtous l' minme langue, c'èst bén pou s' comprinde dins l'   
   Francofonîye, pusqu'o l' lome insi. Mès qu'o-n-arète dè r'nakî su no chêr   
   walon!   
      
      
      
   Joëlle DEMIÈRBE Coûrcèle (Courcelles)   
      
   --- SoupGate-Win32 v1.05   
    * Origin: you cannot sedate... all the things you hate (1:229/2)